Aquesta adreça de correu-e està protegida dels robots de spam.Necessites Javascript habilitat per veure-la.
Major, 26 - 25530 Vielha (Lleida)

“Qui non trabalhe que non minge”, se ditz ena nòsta lengua, ei ben vertat que cau hèr quauquarren tà obtíer es mieis tà poder víuer.

En aguest nau exemplar de Tèrra Aranesa traparatz articles sus mèstièrs ath servici des gléises e d’auti mestièrs desvolupadi en Aran ath long deth temps, un pialèr d’eri an desapareishut, mès auent en compde qu’èm hilhs deth nòste passat, mos los cau coneisher entà saber coma auem arribat enquiara actualitat.

 

Ei un plaser presentar-vos aguest catalòg sus es Mèstièrs ena Val d’Aran, pr’amor que reflectissen era vida vidanta deth nòste país. Hè cent ans, éster pagès ère era normalitat ena val d’Aran, aué ei era excepción, més mos cau aumenatjar a tote es persones que semièren es nòstes tèrres, hèren modelhons e garbères, trebalhèren es bosqui trafiquèren tamb eth bestiar….. es tempsi cambien, era transformación económica mos a portat a d’auti mèstiers sustot de servicis en mon deth torisme: monitor d’esquí, guida de montanha, guida culturau…. pr’amor qu’era val d’Aran ei un lòc preferent de destinación toristica en totes es epòques der an.

Aportacion de fotos entara exposicion deth “Departament de Política Territorial de la Generalitat de Catalunya” que s’amièc a tèrme en Parador Nacionau de Vielha.

Aconselhament e aportacion de materiau entara creacion deth “Musèu dera Nheu” d’Unha.

“15ans pera Lengua” siguec eth titol dera exposicion, organizada pera Fondacion Privada Musèu Etnologic dera Val d’Aran, que se inaugurèc en St. Joan d’Arties eth dia 3  de junhsèga de 2009, entàs 19 ores.
Tamb era assisténcia deth Sindic d’Aran , de diuèrsi conselhers e bailes, membres dera Fondacion e de nombrosi amigues e amics aranesi. Comencèc tamb es paraules dera presidenta qu’en sòn parlament remerquèc era intencion dera exposicion de dar a conéisher eth trabalh qu’a het Lengua Viuaa, seccion dera Fondacion.Tanben arregraïc a totes es persones qu'auien collaborat aportant fotos  e materiaus diuèrsi.

Dempús eth Sindic d'Aran, Sr. Francés Boya, arregraïc ara Fondacion eth sòn trebalh pera lengua e cultura d’Aran.

Era exposicion cònste de pannèus de fotografies des corses que pendent 15 ans a organizat Lengua Viua, cada darrèr dimenge de juriòl entà possar er usatge sociau der aranés. Tanben s’i mostren materiaus que Lengua Viua a comercializat aguesti ans entà amiar d’autes activitats: serades teatraus, lectures de tèxtes literaris entà Sant Jòrdi e sustot eth bastiment d’ua escultura en aumenatge ara nòsta lengua.
Er acte acabèc, dempús dera visita ara exposicion, tamb un aperitiu de còca e cava  aufrits peth Conselh Generau d’Aran.

Eth dia 3  de junhsèga, entàs 19 ores, en St. Joan d’Arties, se presentèc era revista Tèrra Aranesa nº 8 tamb era asisténcia deth Mgfic. Sindic  d’Aran, Sr. Francés Boya, diputat provinciau Sr. Joan Riu, baile de naut Aran, Sr. Cesar Ruiz, baile de Vielha e Mijaran, Sr. Pau Perdices e baile de Bossòst, Sr. Francisco Rodríguez. Presentacion der acte per part dera presidenta dera Fondacion, Sra. Angelina Cases e era vicepresidenta dera Fondacion e responsabla dera revista, Sra. Ròsa Maria Salgueiro, qu’expliquèc era sua composicion dera madeisha.

Disseny web: Arluk Software, S.L.