Eth passat dia 26 de seteme ena sedença deth Conselh Generau d’Aran auec lòc era presentacion dera revista Tèrra Aranesa numèro 22, per part dera presidenta Ròsa Maria Salgueiro.
Er acte compdèc tamb era participacion de Lourdes Santacruz Alís qu'expliquèc eth sòn article sus “Eth Pirenèu, larèr dera caça de bruishes”. Tanben se presentèc era revirada ath castelhan deth libre “Cenizas en la nieve” adaptada per Arturo Calbetò, membre dera Fondacion e en tot demorar qu'en bèth moment se revire ar aranés eth predit libre.
Articles
Tèrra Aranesa num. 22:
1. Cases damb nòm de hemnes. Maria Pau Gómez Ferrer, Archiu Generau d'Aran
2. Eth Pirenèu, larèr dera caça de bruishes. Lourdes Santacruz Alís
3. Era Querimònia (1313): un referent ena istòria dera Val d'Aran. M. Àngels Sanllehy i Sabi
4. Es pintures gotiques de Garòs. Un descurbiment recent. Elisa Ros Barbosa, Ma Angels Marsé i Ferrer e Carla del Valle Lafuente
5. Abanèra deth camin. Pere Elias i Montornés
Era "Habanera”. Lourdes Santacruz Alís
Eth Camin de Sant Jaime e era Val d'Aran. Elisa Ros Barbosa
1. Apunts sus er ensenhament ena Val d'Aran. Kike Vidal Vidal e Arturo Calbetò Calbetò
Barrèc er acte era Sindica d’Aran, Mgfca. Sra. Maria Vergés.
