Activitats

Eth collectiu Lengua Viua premanís entara dimenjada 27 e 28 de junhsèga diuèrses activitats tà hestejar era vintau Corsa “Aran per sa Lengua”,
Eth dissabte 27 i aurà jòcs e condes tara mainadera ena plaça deth Conselh ath long deth maitin . Aguestes activitats  se desvoloparàn segontes era edat des mainatges. Ena vrespada d’aqueth madeish dia, ei previst que s’i represente tanben, ena madeisha plaça, ua òbra de teatre ena lengua pròpria d’Aran.

Dimenge dia 28 de junhsèga era Corsa Aran per sa Lengua 2013 que se desvoloparà coma ei dejà tradicion, tamb era gessuda des diuèrsi punts d’Aran: Montgarri, Tredòs, eth Pòrt de Vielha e Les, en tot caminar o en tot córrer e arribada tath torn des 20:15 ores ena Plaça dera Glèisa en Vielha, a on i aurà eth parlament deth collectiu tostemp reivindicatiu d’un màger usatge sociau dera lengua,  s’autrejarà eth prèmi Lengua Viua, creat tà vantar eth trabalh de persones, collectius o institucions en defensa der aranés, se liurarà eth prèmi ( 400 € ) deth dessenh dera samarreta e ara seguida era hèsta dera Corsa acabarà damb eth concèrt deth grop NADAU.