T’AGRADE ETH DESSENH?
VÒS HÈR ERA SAMARRETA DERA CORSA ARAN PER SA LENGUA 2011?
Se t'agrade eth dessenh, aguesta ei era oportunitat entà qu'ena corsa d'enguan totes es samarretes pòrten eth tòn diboish.
DEMORAM ERA VÒSTA PARTICIPACION!!
BASES DETH CONCORS DE DESSENH DERA SAMARRETA DERA 18AU CORSA ARAN PER SA LENGUA
CATEGORIA: era categoria ei unica. Eth concors ei adreçat ath public en generau, de quinsevolh edat.
TECNICA: liura, en tot tíer en compde qu'aurà d'èster reprodusible en tela. Era samarreta a d’ èster dessenhada peth deuant e peth darrèr .
TÈMA: 18au Corsa Aran per sa Lengua. Aguest ei eth solet tèxte qu’a de constar obligatòriament ena samarreta.
PRESENTACION DES DESSENHS:
- Es dessenhs an d'èster presentadi en supòrt digitau (CD/DVD) damb format d'archiu jpeg/doc, e tanben en supòrt papèr (DINA4).
- Es dessenhs an d'anar signadi damb un subernòm (tant eth supòrt papèr coma eth format digitau).
- Non s'acceptaràn es trabalhs a on a simpla vista s'i veigue eth nòm der autor/a.
- Presentatz eth dessenh en una engolòpa grana e en exterior signatz damb un subernòm.
- En una huelha escriuetz es vòstes donades personaus (nòm e cognòm, adreça, corrèu electronic e telefon de contacte). Aguestes donades an d'anar en una engolòpa mès petita e barrada signada tanben damb eth subernòm.
- Sonque s'acceptarà ua òbra per autor.
- Ei de besonh qu'eth dessenh sigue inedit.
TEMPS DE PRESENTACION:
- Der 1 de març enquiath 15 d'abriu de 2011.
- Lòc de presentacion: Bibliotèca de Vielha.
PRÈMI:
- Prèmi unic de 400 euros.
- Eth prèmi s'autrejarà eth dia 23 d'abriu, entàs 13 ores, ena plaça deth Conselh Generau d’Aran, laguens des actes que Lengua Viua organize damb era collaboracion deth Conselh entath dia de Sant Jòrdi.
JURAT: format pes membres dera junta deth collectiu Lengua Viua.
Toti es dessenhs presentats demoraràn proprietat de Lengua Viua. Aguesti seràn expausadi pendent era celebracion der acte en ua sala deth Conselh Generau o ena madeisha plaça.
