Eth passat 29 de noveme tàs 19:30 ores auec lòc ena sedença deth Conselh Generau d’Aran era conferéncia organizada pera Fondacion Privada Musèu Etnologic dera Val d’Aran, titolada “Era aventura umana de Domingo de Miguel, hilh de Vilac e director dera Escola Normal de Lleida” aufrida peth Sr. Josep Varela i Serra, catedratic de matematiques, director des Servici Territoriaus d’Ensenhament en Lleida e politic. Presentèren era conferéncia era Conselhèra de Torisme, Mgfca. Sra. Anna Diaz e era presidenta dera Fondacion Privada Musèu Etnologic dera Val d’Aran, Sra. Ròsa Maria Salgueiro.
Colleccion FMEVA
Aguesta conferéncia da a conéisher mès prigondament era vida de Domingo de Miguel, neishut en Vilac en an 1813, estudièc ena Universitat Literaria de Huesca e pendent uns ans exercic de mèstre en sòn pòble. Entre es ans 1858 e 1878 dirigic era Escòla Normal de Lleida. Moric en an 1880.
