Eth passat dijaus 28 de junh de 2018 tàs 19:00 ores ena glèisa de Sant Joan d’Arties, auec lòc er acte inaugurau dera exposicion “Atau qu’ère, atau qu’èi” organizada pera Fondacion Privada Musèu Etnologic dera Val d’Aran.
Aguesta exposicion a trauès dera fotografia vò mostrar eth cambi paissatgistic, urbanistic... qu’a patit era Val d’Aran penden aguesti 150 ans.
Aguestes imatges recuelhen era evolucion urbana, rurau, sociau, culturau, paisatgistica, economica...dera nòsta Val enes darrères decades, en tot hèr comparativa des fotografies antiques damb es modèrnes en perfecta simbiosis.
Cònste d’un totau de 132 fotografies, 66 antiques e 66 antuaus. Es antiques son de diferentes colleccions qu’an estat donades ara Fondacion, fòrça d’ères publicades en Aran Istòria Grafica e es actuaus an estat hètes per bèri membres dera Fondacion.
Colleccion FMEVA
Coma dejà ei abituau aguesta exposicion va acompanhada pera presentacion deth sòn catalòg e dera revista Tèrra Aranesa num. 15.
