Eth passat dijaus 31 d’agost de 2017, auec lòc entàs 19:00 ores en Sant Joan d’Arties, era inauguracion dera exposicion “Elements Arquitectonics d’Aran” organizada pera “Fondacion Privada Musèu Etnologic dera Val d’Aran”. Tanben se presentèc era revista Tèrra Aranesa nº 14, eth suplement “40 ans de Tèrra Aranesa ” e eth catalòg damb es fotografies dera exposicion.
Aguesta exposicion compde damb un totau de 156 fotografies, totes eres recuelhudes enes diferenti pòbles d’Aran. Imatges que vòlen reflectir aqueri elements qu’an perdurat ath pas deth temps: pòrtes, lucanes, poladers, borrolhs, penaus, bòrdes, corraus, cases fòrtes... construccions encaishades e adaptades ath territòri.
Çò que se preten damb aguesta exposicion ei recuperar, conservar, restituïr e difoner eth patrimòni culturau e arquitectonic d’Aran. Eréncia recebuda des nòsti auantpassats e que volem deishar constància as generacions futures.
Colleccion FMEVA
Era inauguración siguec tot un succès ja que compdèc damb un gran nombre d’assistents.
