Eth collectiu Lengua Viua torne a premanir ua naua edicion dera Corsa Aran per sa Lengua, qu'enguan arribe ara sua majoritat d'edat. Aguest ei justament eth motiu, peth quau eth collectiu a tornat a demanar ath grop de musica occitan NADAU, que barre eth hestejament ena plaça eth pròplèu dia 31 de junhsèga quan aurà lòc era vintau edicion dera Corsa.
Â
Es actes serà n parioni as des darrèri ans, damb es gessudes tradicionaus des de Montgarri en tot córrer o en tot caminar, des de Tredòs en tot caminar, des deth pòrt de Vielha en tot hèr-ne era trauèssa e des de Les en tot caminar. Atau coma eth darrèr an, es qu'ac desiren compartirà n eth mòs que carregen en morralet en ua arturada en Unha e en Es Bòrdes respectiuament. Autant qu'enes darrères edicions en Arties e en Bossòst es bars Hiru e Urtau aufrirà n fruta e aigua as participaires ena Corsa.
Lengua Viua venerà era samarreta dera Corsa d'enguan es dues darrères semanes de juriòl enes cubèrts der Ajuntament de Vielha e autant un dia en Salardú e en Les. Era samarreta d'enguan pòrte eth diboish premiat en prumèr concors deth collectiu, creat tà hèr-la mès participatiua. Era òbra guanhadora, d'entre ua vintea longa de participaires, ei de Kristina Nart de Betren. En un dominò i mòstre quauque element coma es caminaires, es glèises, es montanhes o era crotz occitana, junhudi tradicionaument ara Corsa, as que i hig es 18 ans deth collectiu damb arraïcs en tot evidenciar atau er assolidament dera Corsa Aran per sa Lengua.
Vos i demoram a toti!
